| Profilo di 晓帆LoVe DrInKiNg ChAmPaGnEFotoBlogElenchi |  Strumenti  Guida |
|
02 giugno 唔知部手机几时到呢!!! 部手机系香港买左之后寄过来都已经一个星期零三日了.航空既邮寄时间一般就系一个星期到.但系宜家都已经过左三日了.
每日有新野用都系感,好想好想距快的到快的有得用.
死啦,唔知道系唔系比海关扣住左呢,唔知道系唔系寄错地址呢.唉,好多好多既我唔知.每晚训较都捻住睇日会寄到来,点知道每日都收唔到.未试过感样收唔到邮件.
无办法啦,唔等都要等,都寄左了,希望可以快的收到快的有得用啦.新手机,捻起就开心. 27 aprile NZ究竟等唔等于烦恼? 我成日都想问清楚自己,究竟来新西兰读书究竟系唔系等于比烦恼自己.究竟努力之后系唔系一定有回报.读书既时候辛苦系唔系做野就会舒服的?
每日起床就系例牌既动作,食饭啊,做要做既野.睇书,背单词,写论文.依排仲离谱,觉得自己读英文越读越迷.有时后有灵感,写论文就好似切菜感宜,如果无灵感,真系好似以前系广州坐系考场里面面对问卷既情形感.
大学总算系叫有得读,一心去读商业,由细到大最喜欢既专业,自己最有特长既专业.身边既人个个都话稳工难稳,无咩专业性.去稳的容易稳工既专业咩又唔知好唔好.或者讲觉得唔适合自己.不过由细到大都系父母既监护下长大,根本无咩点决定过,今次选专业完全系我自己既意愿,希望当然会朝好既方向.不过难保有唔好既结果.
不过无论点都好了.既然选择读商,希望日后从商就应该踩住自己目标向前行,太受外界意见影响可能唔系一件好事.或者结果唔好,不过系自己决定既,无怨无悔.
希望上天唔好戏弄我,出世到宜家未试过如此认真对待学习,同埋从来未试过害怕唔合格.宜家先发觉时间真系好宝贵好宝贵.一日24小时好似都唔够我用感.我最讨厌睇书,为何读大学偏偏我就无果的小聪明去考pass,为何我就要睇书.或者就系对我既磨练,经过磨练可能我会成为另一个层次既人.但愿有付出就真系有收获.
好坦白感讲,我希望不劳而获,希望少劳多得.不过依个世界既游戏规则并唔系我希望既感. 27 febbraio 终于都2月27号晚了 仲有无耐就到2月28号了，系广州既半年真系过得好快好快啊，如果翻到新西兰都可以时间过得感快就真系好。
心情好奇怪。唔想翻，但系有有的冲动系想翻去。点解想自己都唔知道点解，不过心情真系好矛盾。但系我捻我自己好清楚，唔愿意翻去比愿意翻去既要占大多数咯。
广州有我离唔开既亲人，有我离唔开既朋友，有我离唔开既女朋友，有我离唔开既所有所有野。几乎我觉得自己系一个广州人既意识比我系一个中国人既意识更加强烈。或者系出国令到自己对自己出生既地方有更加感情。无论宜家既广州有几多人，交通既混乱，治安几唔好，就业形式点样严峻。但系如果可以比我留低，依的野我都觉得系完全无所谓，一的都唔介意，甚至愿意去觉得，依个系一个属于自己既地方，始终系有我位置既地方，就为左依片属于我既地方，我应该将依的所有唔好既野都包容。或者感讲啦，我系好希望有机会，系宜家依个时候有机会，继续比广州依个城市包容我。不过都系捻既，唔可能。就算今晚同阿妈为左翻去既事嘈，但系我心里面好清楚好明白，听日要上飞机依个始终会成为将要发生既事实。
天体，流前，正佳，北京路，堂会，五中，大学城。真系唔知道几时先可以有机会再去到，唔知道咩时候再会有机会坐住广州既公共汽车同的士。唔知道几时可以翻阿婆屋企同阿婆打麻雀，唔知道几时可以同女朋友学校接距放学。唔知道几时开始再开口交阿妈买野比自己，或者自己赚钱买野比阿妈。G2000既同事唔知道几时再有机会同我相见，麦当劳既熟人几时再有机会飞food比我。
人，如果有肯定既答案既时候往往系最踏实既。人，往往希望之后失望既时候系最辛苦既。就好似我翻左去，我有翻来既希望，不过依个希望唔知道几时实现，往往令我唔踏实。20岁了，系时候离开父母既爱抚了，世界好大，系年青人既世界。毛主席始终讲得岩，想象唔到如果自己系依个时候再唔发奋日后既日子会系点。属于我既世界究竟会系点。
日后既未知迫使我一定要努力。努力两个字就好似自觉两个字感，讲出来就真系太容易了。做既时候，好多人都会低头。唔知道自己有心里准备未，如果最后都系失败我捻自己真系最最最失败了。好胜既我系唔想失败但系而又害怕失败既。
2月27号晚，好耐无上来写日志，就上来抒发自己矛盾既心情。
07 febbraio 今日，唔知道应该系咩心情？？？今日，其实对我来讲都无咩特别。只系老豆比我早左翻新西兰。广州既国际机场，未去过既时候，系新西兰听到落成既时候，身为一个广州人，真系好自豪。
平时我老豆好关心我，有时我觉得真系好烦嫁，成日都要比人烦住晒，依样唔得果样又话唔好啊感。成日想翻屋企无老豆烦住。但系有时冷静落来，其实发觉依个老豆对自己真系好到无得再好嫁了。三个星期之后，我会坐飞机翻翻新西兰了。其实依旧要同老豆一齐生活，最起码最起码生活半年。
一年前，我记得系香港既机场，入禁区果时，对我来讲，我要同我妈咪分开一段从来未有过感长既时间。对我老豆来讲，可能亦都从来未试过同自己老婆分开如此地久。我好幸运，两个月后，因为我发左个脾气，我可以见到我妈妈，但系我老豆捱左半年有多先见到距老婆。其实为咩姐，其实做感多野都系为左我。
广州既机场真系好靓啊，系我心里面其实真系无其他人讲既感不堪，我觉得绝对可以比美世界上好多国际航空港。
落车之后，我老豆食左支烟我就陪距入去check in了。好快啊，我依两年成日左飞机飞来飞去，就算连香港既机场check in既速度都无感快。但系对于我老豆同我阿妈来讲，可能并唔希望速度系如此地快。我感慨既并唔系因为我送我老豆，过几个星期我又可以见翻距了。但系换个角度，我望住老豆入禁区既时候，好平静，但系唔知道我妈眯点呢，老公入禁区之后，等飞机既时候，身仍然系广州，但系就见唔到，唔系一时三刻既分开，一唔见就年几。我老豆老母无流泪。但系三个星期后既香港机场，唔知会晤会留低我自己眼泪！！！ 01 febbraio 终于。。。。。。 今日，本来都捻住见距唔到嫁了，距琴日一早就去左外地，距老豆老母话要出去拜神。原先话进体听日都无得见嫁。一直都唔开心，又无咩地方去，广州好似行来行去都系果几个地方。过年最冷都睇怕系今次嫁了。
琴晚打比信息我，话可能早翻，今日可能有得见。真系开心到训唔着。未试过感鬼期待既。最后都系见到了，都唔知用咩来形容好了，好鬼开心。好似等左好耐好耐感，等到好似又无咩知觉，唉真系唔知道点形容。不过点都好啦，见到就好。翻到新西兰，想见对方真系唔系打部的士或者搭几个站车就可以见到。所以走之前可以系埋一齐几耐就几耐啦。
睇来，好快又有一条人生既分叉路要行了。琴晚有的关于自己前途上既野要自己决定，唉，人生就系感，最可贵既系可以决定野，但系最可怕既又系决定。真系捻到头都爆啊。或者咩都唔捻，凭感觉拣一条都唔知道岩唔岩自己行既路会对得住自己啊。 29 gennaio 年初一了！！！！！！！！！！ 年初一了，终于终于都年初一了。捻起有利是收真系开心到晕啊。上年过年既时候系新西兰，果边一的气氛都无，鬼死感闷，今年一定要尽兴，将上年无过既年补翻。仲有果的好鬼吸引既利是钱啊。哈哈哈哈哈哈哈！！！！
希望大家新年里面开开心心，总之心想事成就最好。最紧要系身体健康啊。发唔发财都好闲，最重要系家庭和睦！！！ 28 gennaio 开心＋唔开心＝今日 相机要整至少都要千三蚊，所以唔整了。因为就快要翻新西兰了，所以如果无相机用好似好唔方便。加上年尾，差唔多都年二十九了，所以过年前买相机应该都系比较平既。阿妈同老豆决定买过部相机比我用，真系开心死了。
最好比我买左部相靓身材正既nikon，本来都想买翻canon嫁，不过想试下新牌子，加上nikon都系一个做相机既老牌子，影出来既相都几好，加上又系大mon，所以快快手就买左了。夜晚行花街果时都迫不及待挪出去用了。有几张相手震，影得麻麻，不过总体上来讲都几好用，加上象素同埋变焦既级数我都好满意。挪住部相机就死搞烂搞，都唔想停手啊，真系开心。
唔开心既系，听晚年二十九，今年无年三十，本来我plan好同女朋友去行花街，因为唔得闲，要同屋企人食团年饭，食完之后又话唔出得来，所以今晚已经陪左我行了。虽然话就话陪左自己了，不过硬系觉得要听晚去行花街先有气氛既，所以有的美中不足了。
夜晚就真系听到个唔系几好既消息了。距妈咪话到初六之后先比距出街，所以年初一到初六我都见距唔到。本来就快都要走嫁了，见既时间真系唔多嫁啦，望都望每日有48个钟，宜家听到个感既消息，唔多唔少有的小气，真系好嬲距阿妈啊。不过又有咩办法啊，我只系人地男朋友，其实捻落真系无咩地位，尤其系未有定数既男朋友。或者我系距心里面有地位，但系我捻我系距父母心目中就真系无咩地位同埋讲野发言既空间。毕竟人地既女，做父母既都系特别关心爱护既。算拉，一个星期唔见姐，每日早的训，迟的起床我捻好易过姐。忍下咯如果挂住果时。
行完花街翻屋企，系屋企楼下见到个露宿者，唉，个心真系唔好受啊。人人过年都开开心心，大人细路真系齐齐欢啊，不过的露宿者真系好惨。距地无伸手问挪钱，只系生活潦倒的，无地方住，有时都真系觉得几可怜。如果我地国家发达的就好啦，起码的惨既人会少的。过年就梗系最好人人都着新衫新裤，一家人团团圆圆啦。
从来都无捻过，新年想许一个愿。更加无捻过希望世界和平啊。 27 gennaio 相机坏左啊！！！ 每日我都带部相机出街，因为距话要影低的相等我地有个回忆。听到距感讲，我好开心啊，起码表示距好紧张我啊，系距挂住我既时候我都想有我既相陪住距过。而系我孤独既时候都同样希望可以借此解挂念之情。
点知，距挪我部相机出来既时候，撞左一撞台面。就感就坏左了。不过部相机都买左三年了，都系时候坏下嫁了。不过好似坏得唔系几系时候，差唔多过年先来坏，唉，都唔知道过年用咩野影相添嫁，真系烦恼啊。
希望快的可以有钱买过部新既相机用下啦。至少唔好令我同距留低遗憾感分开啊。真系好想好想将我地开心既每一刻都影低。 23 gennaio 一年可能真系会好长嫁。。。。。。 今日坐车果时，无啦啦捻睇左一睇只表。表面上显示23号。第一感觉都仲系不以为然，但系再细心数数，留系广州既时间原来真系唔多。好想一日里面有48小时啊。
今日送距翻屋企，我地好似平时感感亲密。当时我都唔觉得有咩感特别，只系觉得都真系几舒服，一种令我觉得好幸福既感觉。揽揽下其实我又开始捻野了。宜家可以好容易就得到距既拥抱同埋kiss，或者唔好讲容易，系情侣之间做既野已经都觉得好平常。但系我一走左，我地之间既感情，我地之间既爱，我地之间既亲密究竟仲会晤会好似宜家感简单，容易同埋平常呢？
一年其实话长就唔长既，睇你自己点过姐。但系唔知道点解我硬系觉得两个人分开感样过一年就好似好长好长感。好似踩住部单车，成日都味道达目的地感，而且一日未到达一日都仲要用力踩。
宜家见到距，真系已经觉得好难得了，每一日既相处都系赚既。走之前永远都觉得感甜蜜，真系唔知道走果时或者走之后会点。更加唔知道距会点。硬系觉得好似无咩信心同安全感既，都唔知道点解。我个脑比我既唯一既答案就系太在乎同介意距既一切啦，因此害怕失去距，同埋失去同距一齐生活既美梦啊。
今日其实仲有的小插曲嫁。我唔知道我嬲究竟系岩唔岩。两个人一齐肯定需要银两嫁啦。当然，我依个狮子座唔惯使女仔钱，所以出街用既基本都系我比既。距既钱一般我都系唔用既，除非真系无晒钱，或者有时挪的散纸啊感。我未做野，当然唔想问阿妈挪感多钱啦。所以每次都挪少少挪少少，而且我根本就唔系一个有钱仔。依排成日都出街，所以我都无晒钱了。距今日买左件衫，我都唔知道系唔系小气，不过我觉得自己都有好多野想买，不过留翻的钱同距有，但系点解距可以感大方感用自己的钱。如果我无钱了，感我地系唔系就可以唔见。定系到时要我知道究竟距系几感有钱。唉，我自己都捻唔通，其实距买野好正常姐，但系唔知道自己唔高兴的咩。我就系硬系觉得我地两个拍拖系我既事而唔系我地两个既事。 22 gennaio 今日既party！！！ 今日好鬼死开心。应该讲好鬼开心过左一晚。今晚我班F同我系天河过左一个好美满既夜晚。好耐都无试过感样坐埋一齐食餐饭了。好耐都无试过无拘无束感开怀大笑了。真系好难得有班感既F啊。我会记得依餐饭既，翻到新西兰我会好好努力嫁了。你地放心啦。
今晚系维多利广场上面食自助餐，好好味啊的野，虽然已经唔系第一次去了。不过觉得今次特别好味。其实基本上每次距地欢送我，都系去果度食饭既。真系捻翻起，都觉得果度好似我地分手前夕一定去既地方感。 不过无论果度系我地分手既地方定系我地聚会既地方，果度始终载着我地好多既欢笑。
不过宜家好似有的唔舍得，真系 觉得有班F真系好好好好。世界上最幸福既三件事，第一就系有我父母。第二就系有我班对我感好既死党，第三就肯定系你啦（第二第三其实不分先后）。如果有感好既感情都唔好好珍惜，可能真系会比雷劈啊。距地为我饯行其实都系想我走得开心的，第日翻来都要记住距地。所以我一定唔会忘记距地嫁。
下次，如果有下次。果餐一定系我既。我一定会努力去稳钱，努力去学野既。至少唔好辜负关心我既父母，朋友，同埋情爱的女朋友啊。我知道你地对我期望都好大嫁。
其实今日系一个好有意义既日子。上年既今日，我踏入新西兰，成为距既永久居民，其实捻翻起先知道。下年既依个时候。我将会可以挪到距既永久回头签证了。太好了！！！ |
||||
|
|
